هذه الصورة التى امامكم جاءت ببعض الصحف على هامش اجتماعات منتدى
دافوس بشرم الشيخ ..
وطبعا لستم فى حاجه للتعريف باصحابها فهم اشهر من النار على العلم
المهم
هذه الصورة اصابتنى بالوجوم وانتابتنى حالة من الشرود والسرحان !!!
الى هذه الدرجة وصل نفوذ جمال مبارك ؟
حتى رئيس الوزراء ؟
دقق فى الصورة وشوف ..الكرسى ده بتاع رئيس الجمهورية والعلم خلفه
من يحل مكان الرئيس ؟
بلاش دى
انظر ودقق جيدا وشوف جلسة جمال ؟؟ يمكن دادى لا يجلس مثله كده
الجلسه دى بتفكرنى بالافلام والباشا قاعد بيحاسب ناظر
العزبة بعد ان تعطف عليه واجلسه امامه !!
وعجبى
المهم
اوجب على ان اقدم اعتذارى لكل من عارضته يوما وقلت له جمال مبارك
لا يسعى لرئاسة الجمهورية ؟
اقدم اعتذارى لحسن نيتى فى الاب حسنى مبارك ( استنى متتسرعش )
الاب بتاع جمال مش بتاعى ولا بتاعك
فلو كان الاب حسنى مبارك مثل الاب جمال عبد الناصر
او الاب انور السادات ..لاكتفى لاولاده بالمال وبلاش الجاه
يعنى كفاية عليهم لقب
ابن رئيس الجمهورية السابق
لكن للاسف الرئيس مبارك يريد لاولاده الاثنين معا
المال والجاه
وعاوز يشطب كلمة ابن من لقبهم المنتظر
( ابن رئيس مصر السابق )
لماذا ياريس ؟
كنت اتمنى ان يذكرك التاريخ بانك اول رئيس لمصر يشرف على انتخابات الرئيس
ولا يشارك فيها ؟
كنت اتمنى ان تترك الحكم بارادتك لا مثل السابقين ؟
كنت اتمنى ان يكتب التاريخ انك مؤسس الجمهورية الثانية فى مصر
زى الجمهورية الثالثة فى فرنسا
كنت اتمنى ان تشرف على الانتخابات وتترك الشعب يختار من يراه اصلح
له وذلك بعد انتهاء فترة رئاستك الحاليةويبقى جمال مبارك مواطن مصرى
يشارك فى الحياة العامة والسياسية مثل كل اقرانه
ويمكن بعد 10 سنين يختاره الشعب بارادته الحره رئيسا
مثل بوش الابن
صدقنى سوف ينال من الحب والتقدير اكثر مما يناله لو فرض علينا
كرئيس !!
وحتى لو فرض علينا فلن تدوم له فعجلة الديمقراطية دارت
ولن يوقفها احد ..يعنى لو تم تزوير الانتخابات القادمة لن تزور التى تليها
ولو سكت الشعب المغلوب على امره المرة القادمة لن يسكت المرة التى تليها
يا ريس دع التاريخ يدون اسمك بحروف من نور
وبلاش حكاية التوريث
نفسى اسحب اعتذارى !!
هناك ٣٤ تعليقًا:
أولاً مدونة جميلة ثانياً موضوع حلو
================================
وشكرا لمرورك الكريم بمدونتى
لاشكر على واجب يا احمد بيه
ويارب تنجح
خلاص انا قربت اتجنن من جمال مبارك وعمايله
وبعدين مايصحش يجلس اما راجل اكبر منه بالسن ولا احنا بقينا امريكان خلاص
مش اسلوب المصريين ابدا
العيب على نظيف انه سمح له بكده
وبعدين انا قصدى ان الموقع عندك شامل الزعل المرفوع انا قصدى حاجه تانيه خالص
قصدى الشمول عندك والتطور والمجهود الذى تبذله الله يكون بعونك
السلام عليكم استاذ حسن
أنا مش عارفة والله أعلق أقول ايه
بس طريقة جلوسه بتقول فعلا انه صاحب
مكان البيت بيته يعني ..
ربنا يلطف بينا
تحياتي
يتربى فى عزو
..
..
..
ولا عزاء للشعوب
..
..
..
اللى مش لاقيه حد
يخليها
عزو
..
..
..
واهلا اهلا
بالديمقراطية
السلام عليكم ورحمة الله وبركاتة
ازيك استاذى
يارب تكون بخير
السلام عليكم ورحمه الله وبركاته
اخيرا موضوع جديد كل يوم ادخل المدونه من يوم ان عرفتها اجد هو هو نفسه الموضوع
جزاكم الله خيرا ابانا الفاضل على هذا الخبر وهذا التدقيق واحيك على المراجعه التى قمت بها
اتذكر كان هناك لاستاذى الدكتور محمد المهدى رئيس قسم الطب النفسى لدينا تلحليل لشخصية جمال مبارك فى احد المحطات التلفزيونية ونشر على صفحه كامله فى اكثر من جريدة
ولكن دعنى اخبرك بما نوقه ولكننى لا اقتل الامل
لن تسحب اعتذارك قديما قيل
إن لم تستحى فافعل ماشئت وهؤلاء لا اعتقد انهم ما سمعوا بتلك الصفه من قبل
وفقكم الله لما يحبه ويرضاه وجزاكم عنا خيرا
والسلام عليكم
استاذ حسن توفيق حقيقي دايما مواضيعك في الصميم ورغم قلة الكلماتالا انها اكثر من معبرة
فعلا جلسة ليست عادية علي مقعد غير عادي امام شخصية ايضا ليست عادية
اعتقد انك لن تسحب اعتذارك
لان البشائر واضحة
ان لم يكن جمال مبارك الرئيس المقبل
فمن سيكون؟؟؟؟
لقد لعبوا اللعبة بذكاء
صفوا الساحة من كافة النزلاء
ولم يعد يمرح فيها سوي نزيل واحد
كافة الاحزاب اضعفوها الوفد صراع داخلي علي رئاسة الحزب الغد اعتقال مستمر واتهامات مدعمة بأدلة لرؤسائه الاخوان واتهامات بالعمالة ومصادرة اموالهم واعتقال قادتهم كل يوم وكل لحظة
الحزب الوطني نفسه لا صوت يعلو علي صوت جمال مبارك اما الكبار الاخرين فالنار تحوطهم كل يوم كامثال احمد عز والصراعات حول احتكاره وخلافه والتي لا انكرها بطبيعة الحال
اذن من الباقي علي الساحة لامعا؟؟؟؟
سواه
بالاضافة الي مد قانون الطواريء لعاميين اخرين تحسبا لاي تغيرات سياسية يجد فيها النظام سلطة لتكميم الافواه لا بل اخراسها
الرؤية واضحة واللعبة تزداد وضوحا يوما بعد يوم
والشعب راكض في الاعماق باحثا عن لقمة عيش ينتزعها من فم الاسد
اذن شعب لاهي بلقمة عيشه
وقادة انتهو ولم يبقي سواه
فلن يجد شعبنا المسكين سوي الرضاء به
من الاخر
لا داعي للاعتذار
تحياتي لمواضيعك الرائعة اتمني الا تغيب عننا طويلا
طبعا كالعادة عين اجادت التقاط الصورة المناسبة و التعليق عليها
بس اسمح لي استغرب من اندهاشك البحر يا اخي يحب الزيادة ايه المانع بعد ما نشبع فلوس نبحث عن سلطة
الناس بتنسي ان الكفن مالوش جيوب واننا حنقابل ربنا سبحانه و تعالي يوم القيامة من غير حرس و لا اتباع
سبحان من له الدوام
___________________________
سعيدة بتواصلك الدائم معي و مع احمد ابن ام احمد
لماذا نستغرب احنا فى مصر
قال عليه الصلاة والسلام:(لو كان لابن آدم واد من ذهب لتمنى واديان ولن يملأ فم ابن آدم إلا التراب)
مدونة حضرتك جميلة وفقك الله لما يحب ويرضى ودمت بخير
اولا اسمحلي اقول لحضرتك عمر التاريخ ما هيذكر حسني مبارك بأي خير ولا بأي حروف من دهب
اعذرني تحت اي مسمى هيذكره بالخير
تحت مسمى انه سرقنا ولا موت عائلتنا ولا ضيع كرامتنا
ولا ايه بالظبط ممكن اعرف؟
اللهم لا تؤاخذنا بما فعل السفهاء منا
د/هيما
السلام عليكم ورحمة الله وبركاته
انا سبت التعليق د في مدونتكم اللي علي البلوجسبوت واللي علي مكتوب كمان ولما فات يومين ومحدش رد عليا قلت اكتبه هناكمان
وياريت تشيلوا اسمي من عندكم وبلاش طرق لوي الدراع دي
ايه يا جماعه التهريج ده
ممكن اعرف انا اشتركت معاكوا امتي ولا ابديت حتي استعداد للاشتراك
هو مش انتوا برضو عندكوا استمارة عضوية شايفاها علي جنب المدونه اهو
ممكن بقي حد يقولي انا مليت الاستماره دي امتي ولا وافقت علي العضويه معاكوا امتي
مش معني اننا زمان اوي سبت تعليق في المدونه اللي علي مكتوب يبقي خلاص كده قلتلكم تشركوني معاكوا
معلش ارجو انكوا تشطبوا اسمي من القايمه مش عاوزه انول الشرف ده ومش عاوزه حد يحميني ، هاتحموني من ايه
،الحامي هو الله
معلش انا اسفه ليكوا جدا بس العضويه معاكوا ماتبقاش كده بالغصب
سلام
خبر بلا تعليق
وصورة بلا تعليق
ومدونة بلا تعليق
أما صاحب التعليق فانا محمود بركات زائر ومعلق جديد
www.alhol.blogspot.com
السلام عليكم
حضرتك عاوز تقدم اعتذار وانا اعمل ايه اصلي انا كنت فاكرة الدنيا خضرا وبمبي
طلعت بحلقلقي
اللهم انا لا نسالك رد القضاء ولكن نسالك اللطف فيه
تحياتي
dawar
شكرا لك اخى الفاضل تواصلك معى ولست فى حاجة الى التبرير ..حقك تقول ما تشاء ونحن نستفسر عما لا نفهم ..
اتمنى دوام التواصل
امل
تعليق جميل
الله يلطف بينا
فعلا ده صاحب العزبة مش البيت
عالم الهسس
يتربى فى عزووووووو
تقصد
احمد عز
ولا حد تانى !!!
اصل انا فهمى على قدى شوية
العزيزة
نهر الحب
شكرا لك سؤالك والحمد لله انا بخير
ويارب يديم علينا الصحة
د/أبويحيى وادم
شكرا لك يا دكتور مرورك وعن تقصيرى فى حق مدونتى لانشغالى بعمل موقع خاص بى مع بعض الاخوة وكذلك موقع لاتحاد المدونين المصريين
وسعيد بزيارتك ..
وبخصوص المراجعة اكيد حضرتك تعرف ان الرجوع الى الحق فضيلة
شكرا جزيلا واتمنى لك والاسرة السعادة والهناء
العزيزة
بنت الاسلام
شكرا لك وطبعا انا معك فى كل ماجاء بالتعليق ..فهم عملوا بمبدء استعمارى قديم ... ...( فرق تسد )
فعلا يحاولون افراغ الساحة ولكن مصر دائما ولاده وهناك الكثيرون الذين يستطيعون تولى المنصب بس يسمح بذلك من خلال انتخابات حره ونظيفة
سعيد بتواصلك الدائم
الفاضلة
أم أحمد المصرية
كل الشكر لك انت واحمد بن ام احمد
بمجرد ان رايت تعليق له فى احد المدونات
ركبت العجله وطرت على هناك ..هذا الشبل من ذاك الاسد
اما عن الكفن يمكن فيه جيب سحرى للناس دى واحنا مش عارفين
ولا يكونوا عاملين فيزا كارت فى القبر مثلا ..هما يعملوا كل حاجه واى حاجه
البلد بلدهم
العزيزة
خديجة عبدالله
انا بستغرب اصل افتكرت المثل بتاع جدتى ده موضوه قديمة طلع شغال لغاية دلوقتى
( بنى ادم عينه لا يملؤها غير التراب )
وحسبى الله ونعم الوكيل
سعيد بمجاملتك الرقيقة ومرورك واتمنى دوام التواصل
العزيز
wael
انا كان نفسى يحصل ده ويذكره التاريخ
ولكن تاتنى الرياح بما لا تشتهى السفن
سعيد بتواصلك وزيارتك
Dr-hema
فعلا
اللهم لا تؤاخذنا بما فعل السفهاء منا
خمسة فضفضة
اعتقد هذا التعليق ليس مكانه هنا
ولكن طالما هو هنا مضطر اقول
عضويتك لن تقدم او تؤخر عمل الاتحاد فى شئ ..ونحن لا نجبر احد على الانضمام الينا
واذا كان حدث سوء فهم لتعليقك بمدونة الاتحاد فهو غير مقصود وتم شطب الاسم من بين الاعضاء فهذا شرف لا نستحقه ان تكونى بيننا
العزيز
محمود بركات
سعيد بزيارتك الاولى واتمنى ان لا تكون الاخيرة ...شكرا لك مرورك
الفاضلة
nonoymm
فعلا انا نفسى اسحب اعتذارى علشان
تبقى الدنيا
بمبى بمبى بمبى
على راى سعاد حسنى
فعلا
اللهم انالا نسالك رد القضاء ولكن نسالك اللطف فيه
شكرا لك تواصلك واتمنى الاستمرارا
أستاذي الكريم/
الخوف الأكبر من حالة الاحتقان المتزايدة، والتي لا يعلم أحد متى تنفجر، وكيف يكون انفجارها..
أما الانتخابات فستظل تزور إلى أن يأذن الله بالفرج..
تحياتي
السلام عليكم و رحمة الله وبركاته
استاذى الفاضل : استاذ حسن اخبارك ايه يا رب تكون بخير دائما والاسره الكريمه .
ارجو من سيادتك ان تقدم لى معك اعتذار !!!
خالص تقديرى و تحياتى
rovy
أخى الكريم
السلام عليكم ورحمة الله وبركاته
تأكد أن الكلمة الأخيرة ستكون للمولى عز وجل...
الشعب غلبان ومقهور .. والمسئولون يهمهم أن يستمر الوضع هكذا طالما أن الكل مستفيد ...!!!!!!
اخى الفاضل
حسن مدنى
ربنا يستر علينا ويهدينا الى الطريق
السليم ..انا خايف على مصر
العزيزة
rovy
يظهر هناك ناس مثلى كثيرين مطالبون
بالاعتذار
استر يا رب
اخى الفاضل
mhg1962
الكلمة الاولى والاخيرة .. لله .. عز وجل
شكرا لك وانا معك هناك كثيرين سهمهم ان
يبقى الوضع على ما هو عليه لانهم
مستفيدون منه
إرسال تعليق